ဖွဲ့တည်ရာ မဂ္ဂဇင်း အမှတ် (၄)

တခါထက်တခါ မရိုးရအောင် ၊ အရည်အသွေး ပိုပိုကောင်းလာတဲ့ ဖွဲ့တည်ရာမဂ္ဂဇင်း အမှတ်(၄) ထွက်လာပြန်ပါပြီ။ (၄) ရက်နေ့ကတည်းက ထွက်တာပါ။ ကလောင်ရှင် အဟောင်းတွေရော အသစ်တွေပါ ရေးထားတဲ့ ဆောင်းပါးကောင်း ကဗျာကောင်းတွေ ဖတ်ရတာ ရသရှိလှပါတယ်။ ကျနော်ကသာ ရှေ့တစ်လလုံး မအားဖြစ်လို့ ဒီတစ်ပတ် ဆောင်းပါးကောင်း တစ်ပုဒ်မှ မရေးဖြစ်လိုက်တာကြောင့် ကိုယ့်ကိုယ်ကို အပြစ်တစ်ခု လို့တောင် ခံစားရပါတယ်။ အယ်ဒီတာအဖွဲ့ရဲ့ စီစဉ်ပေးမှုကြောင့်သာ ကဗျာတစ်ပုဒ် ပါခွင့်ရသွားတဲ့အတွက်လည်း ကျေးဇူးတင်ရှိကြောင်းပါ။ မဖတ်ဖူးသေးသူများ သိနိုင်ကြစေဖို့ ထပ်ကြေညာပေးလိုက်ပါတယ်။ ဒီမှာ Download နိုင်ပါတယ်။ ဖွဲ့တည်ရာ ဒီထက်မက အောင်မြင်ပါစေ...

မြန်မာ့အွန်လိုင်းစွယ်စုံကျမ်း (Myanmar Wikipedia)

မြန်မာပညာရေး လောကကို အနာဂါတ်မှာ အတော်လေးကို အထောက်အကူ ပေးမယ့် ၊ မြန်မာများအတွက် အသုံးဝင်မယ့် မြန်မာ့အွန်လိုင်းစွယ်စုံကျမ်း ဝဒ်ဆိုက်တစ်ခုနဲ့ မိတ်ဆက်ပေး ချင်ပါတယ်။ တစ်ကမ္ဘာလုံးက အားထားတဲ့ ၊ ဘာသာစကား တော်တော်များများနဲ့ အင်တာနက်ရဲ့ Search Engine မှာ ရှာဖွေနိုင်တဲ့ Wikipedia မှာ ကျနော်တို့ရဲ့ မြန်မာဘာသာနဲ့ ရှာလို့ မရသေးတာ အခက်အခဲတစ်ခုပါပဲ။ ဒီအခက်အခဲတွေကို ကျော်လွှားနိုင်ဖို့ သိချင်တဲ့ အကြောင်းအရာကို မြန်မာလို ရှာဖွေနိုင်ဖို့ ၊ အချက်အလက် ပြည့်စုံစွာ ရရှိနိုင်ဖို့ မြန်မာဝီကီပီဒိယာ ကို ဖွဲ့စည်းထားခဲ့ပါတယ်။ မြန်မာ ၀ီကီပိဒိယ ပေါ်လာတာ အတော်လေးတော့ ကြာခဲ့ပါပြီ။ သိရသလောက်ကတော့ 2005 ဒီဇင်ဘာ မတိုင်ခင်လောက် ကတည်းက စခဲ့ကြတာပါ။ ဘယ်သူက Request လုပ်လို့ ၀ီကီပိဒိယ ဖောင်ဒေးရှင်း လုပ်ပေးသလဲ ဆိုတာတော့ ကျနော်မသိပါဘူး။ (၃) နှစ်နီးပါးကြာခဲ့ပြီ ဖြစ်တဲ့ မြန်မာဝီကီ ဟာ အခုထက်ထိတော့ တိုးတက်မှု နည်းနေပါသေးတယ်။

ကျွန်တော် မြင်သလောက် ပြောရရင် မြန်မာဝီကီဟာ လူသိအရမ်းကို နည်းနေပါသေးတယ်။ သိခဲ့ရင်လဲ မြန်မာဝီကီဆိုတာ ရှိတယ် ဆိုတာမျိုးလောက်ပဲ သိတဲ့ အသိမျိုးပါ။ တစ်ချိန်မှာ မြန်မာဝီကီဟာလဲ အဲဒီလို အချက်အလက်စုံစုံ ၊ အထောက်အထား ခိုင်ခိုင်မာမာနဲ့ ဖြစ်စေဖို့ အတွက် သူများလုပ်ပေးတာ အရင်ကလို ထိုင်စောင့်နေလို့ မရတော့ပါဘူး။ တတ်အားသမျှ ပညာရှင်များ ၊ ကျောင်းသားများ ၊ စိတ်ဝင်စားသူများ ၊ မြန်မာမှန်ရင် အင်တာနက်လည်း အဆင်ပြေနေမယ်ဆိုရင် တတ်နိုင်သလောက် နည်းနည်းချင်း ၀င်ရေးသင့်တဲ့ ကိစ္စတစ်ခုအဖြစ် ကျွန်တော် တိုက်တွန်းချင်ပါတယ်။

ဝီကီရဲ့ အဓိက ရည်ရွယ်ချက်က ပင်တိုင်ဆောင်းပါးရှင်များနဲ့ ရေးဖို့ထက် မည်သူမဆို ၀င်ရောက်ရေးသားပြင်ဆင်ဖို့ ဖြစ်ပါတယ်။ ၀င်ရေးချင်တဲ့ သူတွေမှာ စစချင်း ကြုံရလေ့ရှိတဲ့ အခက်အခဲက ဖွဲ့စည်းတည်ထောင်စဖြစ်လို့ နားမလည်တာလေးတွေ ၊ ဝဒ်ဆိုက်ရဲ့ မပြည့်စုံ သေးမှုတွေကြောင့် စိတ်ပျက်သွားဖွယ်ရာရှိပါတယ်။ အဲဒီ အချက်တွေကို တကယ်တမ်း နားလည်သူတွေက ဖြန့်ဖြူးပေးဖို့ နှောင့်နှေးနေတာကြောင့် လူသိနည်းပြီး ပြဿနာ ဖြေရှင်းနည်းတွေ ရေးတဲ့လူနည်းပြီး အခုလို တိုးတက်မှု နည်းနေရတယ်လို့ ယူဆမိပါတယ်။

မြန်မာဝီကီရဲ့ သဘောက ရှာလို့ရမယ် ၊ ဖတ်လို့ရမယ် ၊ ရှာလို့တွေ့တဲ့ အချက်အလက်ထဲမှာလဲ အမှားတွေ့ရင် ဒါမှမဟုတ် ထပ်ပြီး ဖြည့်စွက်ချင်ရင် စေတနာအလျှောက် လွတ်လွတ်လပ်လပ် ဖြည့်စွက်လို့ ရပါတယ်။ Register user တစ်ယောက် မဟုတ်ရင်လဲ ပြင်ဆင်လို့ ရတဲ့အတွက် အမှန်ကိုသာ ပြင်ဆင်စေချင်ပါတယ်။ ကိုယ်ပိုင် ရေးချင်တဲ့ အကြောင်းအရာ အချက်အလက် ကိုလဲ ခေါင်းစဉ်အသစ် ၊ စာမျက်နှာအသစ် ဖွင့်ပြီး ရေးလို့ရပါတယ်။ အရေးအသားကိုတော့ စွယ်စုံကျမ်းနဲ့ ကိုက်ညီအောင် ခံစားချက်ဆိုင်ရာ အရေးအသားမျိုး မဟုတ်ပဲ အချက်အလက် အထောက်အထားများနှင့် ရေးသားစေလိုပါတယ်။ မြန်မာဝီကီ ရေးသားနည်း သင်တန်းများ ဖွင့်ဖို့ အထိကိုပါ ရည်ရွယ်ထားကြောင်းနှင့် မီဒီယာများကနေပြီး ကူညီပညာပေးမယ့် အစီအစဉ်များလည်း လုပ်ဖို့ရှိတယ်လို့ ပြောပါတယ်။ သူငယ်ချင်းများမှလည်း ထပ်ဆင့်ပြီး မြန်မာဝီကီ အကြောင်းကို သတင်းပေးတဲ့ ဆောင်းပါးများ ရေးပေးကြစေချင်ပါတယ်။

အခုလက်ရှိ မြန်မာဝီကီမှာ အကြောင်းအရာပေါင်း (၂၇၀) ကျော်ပဲ ရေးထားပါသေးတယ်။ မိမိတတ်နိုင်သလောက် တစ်တပ်တစ်အား ရေးသားထားကြမှသာ အချက်အလက်ပြည့်စုံတဲ့ မြန်မာ့အွန်လိုင်း စွယ်စုံကျမ်းတစ်ခုဖြစ်လာမှာ ဖြစ်တဲ့အတွက် အားလုံးကူညီရေးသားပေးဖို့ တိုက်တွန်းလိုက်ပါတယ်။ ကျနော်တို့လည်း မြန်မာဝီကီ အကြောင်းကို လေ့လာနေဆဲဖြစ်လို့ သိသမျှ အချက်အလက်များနှင့် မြန်မာဝီကီမှ ကိုဘလူးဖိနစ်ရဲ့ ဆောင်းပါးကို ကိုးကားပြီး ရေးသားထားတာ ဖြစ်ပါတယ်။ ပိုမိုစုံစုံလင်လင် လေ့လာချင်ရင် မြန်မာဝီကီ မှာ လေ့လာ နိုင်ကြပါတယ်။

မြန်မာဝီကီအကြောင်းကို အသိပေးနိုင်ဖို့ ဓါတ်ပုံတင်ချင်သူများအတွက် ဒီကုဒ်များကို အသုံး ပြုနိုင်ပါတယ်။ မိမိဘလော့နဲ့ ကိုက်ညီတဲ့ အလျား အနံ ရရှိအောင် width & height ကို ပြောင်းလဲပေးပါ။ မိမိတတ်သိသမျှကို မျှဝေနိုင်ပါစေ....

<img width="150" alt="MM wiki" src=" http://h1.ripway.com/minnkyansis/mmWiki New.PNG" height="190"/>

ဒါကတော့ ခုလက်ရှိ မြန်မာဝီကီရဲ့ ပုံပါ။

<img width="150" alt="MM wiki Old" src=" http://h1.ripway.com/minnkyansis/mm Wiki Old.jpg" height="190"/>

ဒါကတော့ အရင်က မြန်မာဝီကီရဲ့ ပုံပါ။

သင်္ကြန်လေသွေးအား ဝတ္ထုစာအုပ်အဖြစ်သို့

ဒီနှစ်သင်္ကြန်ကတော့ အမှတ်တရတွေ အများကြီးဖြစ်ရတယ်ဗျာ။ ကျနော်ရေးထားတဲ့ ဝတ္ထုကို ဘလော့မှာ တင်တော့ အပိုင်းလိုက်ဖြစ်နေလို့ ဖတ်ရတာ အားမလို အားမရဖြစ်နေမှာ ၊ ဇတ်လမ်းကို အဆက်ပြတ်သွားတဲ့ သူတွေ ရှိနေမှာစိုးလို့ ကိုသင်ကာ နဲ့ ကိုဟန်သစ်ငြိမ်တို့ကို ဝတ္ထုစာအုပ်လေး တစ်အုပ်အဖြစ် လုပ်ပေးဖို့ ပူဆာလိုက်ပါတယ်။ သင်္ကြန်အကြိုနေ့မှာပဲ ကိုသင်ကာရဲ့ အိုင်ဒီယာ ၊ ပန်းချီလက်ရာနဲ့ ကိုဟန်သစ်ငြိမ်ရဲ့ အတွင်းဒီဇိုင်း အပြင်အဆင်တို့ကြောင့် သင်္ကြန်အကြိုနေ့ ညနေမှာပဲ ဝတ္ထုတစ်အုပ် အသွင်အတိုင်း ပြီးသွားခဲ့ပါတယ်။ ပြီးပြီးချင်း တင်မလို့ကို ဘယ်လိုမှ မအားပဲ သူငယ်ချင်းတွေဆီ ရောက်သွားလို့ ချက်ချင်း မတင်ဖြစ်ခဲ့လိုက်ဘူးဗျာ။ တခါတည်း ဖတ်လို့ရအောင် ဒီလိုလေး တင်ပေးလိုက်ပါတယ်။

Read this doc on Scribd: Thingyan Laythway

စာအုပ်ဖိုင်ကိုတော့ ဒီမှာယူနိုင်ပါတယ်ဗျာ။ စိတ်ရောကိုယ်ပါ အားထည့်ပြီး လုပ်ပေးခဲ့ကြတဲ့ ကိုသင်ကာနဲ့ ကိုဟန်သစ်ငြိမ်တို့ကိုလည်း ကျေးဇူးအများကြီး တင်ရကြောင်းပါဗျာ။ ဖွဲ့တည်ရာအတွက် စာမူတွေလည်း ကိုသင်ကာရဲ့ လေဘီယာတွေ သောက်ပြီး အတတ်နိုင်ဆုံး ကောင်းအောင် ရေးပြီး ပို့ပေးပါ့မယ်ဗျာ။း)

ဖွဲ့တည်ရာ မဂ္ဂဇင်းထွက်ပြီ

ကဗျာ ၊ ဟာသ ၊ ဆောင်းပါး ၊ ဝတ္ထုတို ၊ နည်းပညာရပ်များ ၊ အင်္ဂလိပ် အရေးအသားများ ပါဝင်သော အယ်ဒီတာ ကိုသင်ကာရဲ့ ရသစုံလင်စွာနဲ့ ရေးသွားဖွဲ့စည်းထားတဲ့ ဖွဲ့တည်ရာ မဂ္ဂဇင်း ထွက်လာပါပြီ။ တခါတည်း ဖတ်နိုင်အောင် တင်ပေးထားပါတယ်။ လေ့လာချင်ရင်တော့ ဒီမှာ လေ့လာနိုင်ပါတယ်။ ဒီမှာ Download ပါ ခင်ဗျာ။

Read this doc on Scribd: ex mgz iss1 vol1