နိုးတာနဲ့ ထတာ
ကွဲပြားမှုကို ငါမသိဘူး။
ဘုတ်နဲ့ ကျီးတောင်
ငှက်ဆိုတာလောက်ပဲ ငါသိတာ။
လိုချင်သူက “လု”
ယူလိုက်ပေးလိုက်လုပ်သူက “လူ”
ဆုံးရှုံးသူက “လူး”
မှန်သူတွေက “လင်း”
မှားသူတွေက “လိမ်”
သွေးထိုးသူတွေက “လေ” ဖြစ်မယ်ဆို
ငါကတော့ “လွတ်”
ဝါသနာပါရာ င့ါကလောင်မှာ
ငါ့အနုပညာတွေကိုပဲ မှင်ဖြည့်ပါရစေ...
ကျောင်းကပွဲအတွက် ဒိုးပတ်ဝိုင်းတိုက်နေလို့ မအားရဘူး ဖြစ်နေတယ်ဗျာ။ ကျောင်းကတဖက် အနားကပ်မှ သိရတာတဖက်ကြောင့် ညဘက်တွေပါ လေ့ကျင့်နေကြရတယ်ဗျာ။ ဒိုးပတ်ဝိုင်းတိုက်ရင်း နိုင်ငံရပ်ခြားရောက်နေတဲ့ မြန်မာတော်တော်များများမှာ ဖြစ်တတ်တဲ့ အချက်လေး တစ်ခုတွေ့ရလို့ ဒီပို့စ်ကို ရေးလိုက်တာပါ။ တခြားနိုင်ငံတွေမှာကတော့ ကျောင်းတစ်ကျောင်းမှာ အများအားဖြင့် မြန်မာဆိုရင် ကျောင်းသားနဲ့ကျောင်းသူ မျှပြီး ရှိတတ်ကြပါတယ်။ ကျနော်တို့ မော်စကိုမှာလဲ တခြားနိုင်ငံက ပညာသင်သူတွေမှာလဲ ကျောင်းသား ကျောင်းသူတွေ မျှပြီး ရှိတတ်ကြပါတယ်။ ကျောင်းကပွဲတိုင်းမှာလဲ နိုင်ငံအလိုက်က ပြိုင်ပွဲအဖွဲ့မှာ မိန်းကလေးကျောင်းသူတွေရဲ့ အကအဖွဲ့တွေပါ တွဲဖက်ပါတတ်ကြပါတယ်။ ကျနော်တို့ မြန်မာတွေကတော့ မိန်းကလေးဆိုလို့ မူးလို့ပင် ရှုစရာမရှိပေမယ့် မြန်မာ့ရိုးရာ အိုးစည်ဒိုးပတ်နဲ့ ဦးရွှေရိုး ဒေါ်မိုး အကတွေ ရှိနေလို့ တော်ပါသေးတယ်ဗျာ။ တခြားနိုင်ငံတွေက ခေတ်ပေါ် ဒစ်စကိုတီးလုံးတွေ ဒီဂျေတွေနဲ့ စုံတွဲအကတွေနဲ့ ပြိုင်မယ့်အချိန်မှာ ကျနော်တို့ကလဲ မြန်မာ့ရိုးရာ အိုးစည်ဒိုးပတ်ဝိုင်းနဲ့ သံချပ်တွေဆို ဦးရွှေရိုးအကနဲ့ ပြိုင်ကြမှာပေါ့။ ကျောင်းမှာရှိတဲ့ ကျောင်းသားထဲက တကယ်တတ်သူတွေရော ဟိုစပ်စပ် ဒီစပ်စပ် ပါတတ်သူတွေ ( ကျနော့်လိုပေါ့ 
) စုပြီး ဝိုင်းလေးဖွဲ့လိုက်ကြတယ်။ နိုင်ငံရပ်ခြားမို့ မရှိမဲ့ရှိမဲ့ မစုံမလင် အိုးစည် ဒိုးပတ်တွေနဲ့ပဲ မြိုင်ဆိုင်အောင် ၊ ပြိုင်ပွဲမှာ မျက်နှာမငယ်အောင် စိတ်ပါလက်ပါ ကြိုးစားကြတာတွေ့တော့ အားရှိစရာပါ။ ဒါပေမယ့် အဝတ်အစားမှာ အခက်အခဲ ဖြစ်လာပါတယ်။ ပြောချင်တာလဲ အဲဒါပါပဲ။ အိုးစည် ဒိုးပတ်ဝိုင်းဆိုတော့ ဝိုင်းသားတွေလဲ မြန်မာပီပီ တိုက်ပုံနဲ့ ပုဆိုး ဝတ်ကြမယ်လို့ သတ်မှတ်လိုက်ကြတယ်။ အဲဒီမှာ စတွေ့တာပဲ။ ပုဆိုးက မြန်မာ တော်တော်များများမှာ ပါလာတတ်ကြသေးတယ်။ မရှိသလောက် ရှားတာက လည်ကုတုံးအကျီနဲ့ တိုက်ပုံ။ နိုင်ငံခြား လာမှာမို့ မဝတ်ရဘူး မလိုဘူးလို့ သတ်မှတ်ပြီး မယူလာတတ်ကြဘူးဗျာ။ နိုင်ငံခြားမှာလဲဖြစ် ဝတ်လေ့ဝတ်ထလဲမရှိ လေဆိပ်မှာ အဝတ်အစား အလေးချိန်ကျော်မှာ စိုးလို့ ယူမလာတာလို့ ဆိုချင်ဆိုကြပါလိမ့်မယ်။ လက်ခံနိုင်လောက်တဲ့ အကြောင်းပြချက်ဖြစ်ပေမယ့် အရေးအကြောင်းရှိလို့ မြန်မာဟေ့လို့ ကြွေးကြော်ရမယ့် အချိန်မှာ မြန်မာ့ရိုးရာ ဝတ်စုံတောင် ကိုယ်ကိုယ်တိုင်က ဝတ်မပြနိုင်ပဲနဲ့ ငါ မြန်မာရယ်လို့ ဘယ်လိုဟစ်ကြွေးနိုင်ပါ့မတဲ့လဲ။ ဒါ့ကြောင့် ပြည်ပကို ထွက်ခွာလာတဲ့ မြန်မာတိုင်း မြန်မာဆန်ဆန် ရိုးရာဝတ်စုံ တစ်စုံလောက်တော့ ပါလာသင့်တယ်လို့ ထင်မိတယ်ဗျာ။ ပါလာအောင်လဲ ကြိုးစားပြီး ယူလာစေချင်တယ်။ ကိုယ့်နိုင်ငံ ကိုယ့်ယဉ်ကျေးမှုကို ကိုယ်ကိုယ်တိုင် ထိမ်းသိမ်းရင်း နိုင်ငံတကာ အလယ်မှာ မြန်မာရယ်လို့ မော်ကြွားနိုင်ပါစေဗျာ
ကျောင်းကပွဲအတွက် တီးဝိုင်းတိုက်နေရလို့ မအားဘူး ဖြစ်နေတယ်ဗျာ။ နိုင်ငံအနှံ့က လူမျိုးအလိုက် တီးက ကကြမှာဆိုတော့ မြိုင်မြိုင်ဆိုင်ဆိုင်လေး ဖြစ်အောင် အားလုံး ဝိုင်းပြီး ကြိုးစားနေကြရတယ်။ ဆုလေး ဘာလေး ပေးမလားတော့ မသိရသေးဘူးဗျ။ 
မြန်မာ့ရိုးရာ အိုးစည်ဒိုးပတ်ကို ဦးရွှေရိုး ဒေါ်မိုးနဲ့ တွဲပြီး တီးမှုတ်မှာ ဖြစ်ပါတယ်။ ကျနော်ကတော့ တတ်သည့်ပညာ မနေသာ ဆိုသလို ဝင်ရှုပ်လိုက်တာကတော့ ဘာဂျာမှုတ်မလို့ဗျို့။ ဒါ့ကြောင့် အသစ်မရေးဖြစ်ဘူး ဖြစ်နေရတာ။ လာကြည့်ပြီး အသစ်မတွေ့ရမှာ အားနာလို့ ဖွဲ့တည်ရာမဂ္ဂဇင်းမှာ ပါပြီးသားဖြစ်တဲ့ ရှေးသမိုင်းက စက်ရုပ်များကို မဂ္ဂဇင်းမှာ မဖတ်ရသေးတဲ့ သူတွေအတွက် ပြန်တင်ပေးလိုက်ပါတယ်ဗျာ။
ရှေးသမိုင်းက စက်ရုပ်များ
သာမာန်အားဖြင့် စက်ရုံများစတင် တီထွင်လာချိန်ကို နှစ်ဆယ်ရာစုလို့ပဲ ထင်မိကြမှာပါ။ တကယ်တော့ ပေလေးပင် ရှင်လေးပါးမှ ရှင်မဟာရဌသာရ ရေးသားထားသော တံတားဦး မင်္ဂလာစေတီတော် မော်ကွန်းထဲမှာပါတဲ့ ဆယ့်ငါးရာစုနှစ်က အရုပ်တစ်ရုပ် အကြောင်းမှ စတင်ရပါလိမ့်မယ်။ ဒီအရုပ်ကို စက်ကြိုးယန္တရားအတတ်နဲ့ အခြေခံပြီး သစ်သားနဲ့ ပြုလုပ်ထားတဲ့ ပုဏ္ဏားရုပ် ဖြစ်ပါတယ်။ တန်ဆောင်း၏ အရှေ့မြောက် တနေရာမှာ ဆံပင်းကို ကျစ်ကွာ နောက်တွဲထုံးလျက် မုတ်ဆိတ် ကျင်စွယ်တို့ကို ဖားလျားချလျက် မှန်ကူကွက်ကို ရေးခြယ်လျက် အရွယ်အိုမင်းလှသော ပုဏ္ဏားသစ်သားရုပ်ကြီး တစ်ရုပ်ဖြစ်သည်။ ပုဏ္ဏားရုပ်ကြီးသည် နှုတ်ခမ်းကို ဖွင့်ကာ အုပ်ကာ မေးတလှုပ်လှုပ်ဖြင့် လူပကိ အရှင်ကဲ့သို့ စကားပြောတတ်လေသည်။ ပုဏ္ဏားရုပ်ကြီးထံ လက္ခဏာမေးလျှင် မျက်တောင် ခတ်လျှက် မျက်လုံးလည်လျှက် ပြုံးပြုံးရယ်ရယ်နှင့် လက္ခဏာကြည့်ပေးတတ်သည်။ ဂါထာတို့ကို နားဝင်ချိုအောင် ရွတ်တတ်လေသည်။ လာသမျှသောသူတို့အား အဘ အမယ် စသည်ဖြင့် ချစ်စဖွယ် ခေါ်တတ်သည်။ လူပရိသတ်များအား “ငါသည် သီဟိုမင်းထံမှ ရွှေနန်းသဘင်ပွဲတော်သို့ ကိုယ်စားလာရောက်ခြင်း ဖြစ်သည် ၊ ငါ့အသက်သည် အသက် ၈၀ ရှိပြီ” ဟု ပီပီသသ ပြောတတ်သည်တဲ့။
အဲဒီခေတ်က စက်ကြိုးယန္တရား အတတ်မှာ အလွန်ပင် စိတ်ဝင်စရာ ကောင်းနေချေလေပြီ။ စက်ကြိုး ယန္တရားအတတ်ဆိုတာကတော့ စက်သီး ၊ ဘီး ၊ ခွေးသွားစိတ် ၊ မောင်းတန် ၊ ချိတ်ဆက် ၊ သံကွင်း နဲ့ လေးပြား ကဲ့သို့ ပစ္စည်းများကို စက်ကြိုးတွေနဲ့ ချိန်ပြိး တပ်ဆင်တဲ့ပညာရပ်လို့ အခြေခံ ယူဆလို့ ရပါတယ်။ ပုဏ္ဏားရုပ်ကြီးကို လေ့လာကြည့်ရင် စက်ကြိုးယန္တားရားအတတ်အပြင် အခြားပညာရပ်တွေကိုပါ စိတ်ဝင်စားစရာ တွေ့နိုင်ပါတယ်။ ဥပမာ - စကားပြောစေတဲ့နည်း။ အဲဒီခေတ်အချိန်က မြစ်ကမ်းနား နဘေးလို နေရာတွေမှာ အင်မတန် ထူးဆန်းတဲ့ အသံဖမ်းကျောက်တုံးတွေ ရှိတယ်။ အဲဒီ ကျောက်တုံးတွေနားမှာ သွားစကားပြောမိရင် ကျောက်တုံးတွေက စကားတွေကို ဖမ်းထားပြီး ပြန်လွှင့်ပေးတတ်တယ်။ အလွန် အံ့သြဖွယ် ရှားပါး ကျောက်တုံးတွေပေါ့။ ဖြစ်နိုင်ပမလားလို့ သံသယရှိဖွယ်ရှိတယ်။ အသံဖမ်းတယ် အသံလွင့်တယ်ဆိုတာက လျှပ်စစ်ဓါတ် သံလိုက်ဓါတ်နဲ့ လျှပ်စစ်လှိုင်း သံလိုက်လှိုင်းတွေ စိးမျောနစ်မြုပ်နိုင်တဲ့ အရာရယ် ကာဗွန်မှုန့်လို့  ပစ္စည်းတွေရယ် အချိုးကျကျ ပေါင်းစပ်သွားခဲ့ပြီး ဖြစ်နိုင်လာပါတယ်။ ဒီလိုနည်းနဲ့ ဗေဒင်ဟောတဲ့ စကားသံတွေ ပေါ်စေပါတယ်။ လာသူများကို အသက်အရွယ်အလိုက် နှုတ်ဆက်တတ်တာ ၊ ဟန်ပန်တွေ ပေါ်အောင် လုပ်တာ တခြားလှုပ်ရှားမှုတွေကတော့ ဘယ်လိုအတတ်ပညာတွေကြောင့်လို့ အတိအကျ မဖော်ပြထားခဲ့ပါဘူး။ အလွန် လျှို့ဝှက်ခဲ့သည်လေ။ အဲဒီခေတ်က ဘုရားတည်တာတောင် ပုံစံတူတည်ထားမှာစိုးလို့ ပန်းရံဆရာတွေကို ကွပ်မျက်ခဲ့သည်မလား။
သစ်သားပုဏ္ဏားရုပ်ထက် အဆင့်မြင့်လာတဲ့ စက်ရုပ်ကတော့ သီရိဓမ္မာသောကမင်းကြီး လက်ထက်မှာပါ။ ဖြစ်လာပုံက သီရိဓမ္မာသောကမင်းကြီးဟာ တခြားမင်းတပါး ကိုးကွယ်ထားတဲ့ ဌာပနာတွေကို လိုချင်စိတ်ဖြစ်လာတယ်။ အဲဒီခေတ်က ဌာပနာတွေကို ဓားစင်္ကြာ လှံစင်္ကြာတွေ ကြားထဲမှာထားတယ်လေ။ ဓားစင်္ကြာ လှံစင်္ကြာတွေကြောင့် သွားယူသူ ခေါင်းပြတ်မှာကိုး။ ဒါ့ကြောင့် စက်ကြိုးယန္တရားအတတ် တတ်သူကို သွားယူခိုင်းတော့ သူ့ရဲ့ အတတ်နဲ့ ဓားစင်္ကြာ လှံစင်္ကြာတွေကို ဖျက်ဆီးပြီး ဌာပနာတွေကို ယူလာနိုင်ခဲ့တယ်။ ဒီစက်ကြိုးယန္တရားအတတ်ဟာ ခေါမတိုင်းက စတင်ခဲ့တဲ့မို့ သူတို့ပညာကို တခြားတိုင်းပြည်က ရသွားရင် လိုက်သတ်တယ်လေ။ ဒါနဲ့ပဲ တစ်နေ့မှာ သီရိဓမ္မာသောကမင်းကြီးဆီကို ခေါမတိုင်းမှ အင်မတန်လှပပြီး အဖိုးတန်တဲ့ သေတ္တာကြီးတစ်လုံး လက်ဆောင်ပေးလိုက်တယ်။ မင်းကြီးလဲ သေတ္တာကြီးရတော့ အားရဝမ်းသာ ဖွင့်ခိုင်းတာပေါ့။ ဒါပေမယ့် ဘယ်သူမှ ဖွင့်လို့မရဘူးဖြစ်နေခဲ့တယ်။ နောက်ဆုံးတော့ စက်ကြိုးယန္တရားအတတ် တတ်သူကို ခေါ်ဖွင့်ခိုင်းတော့ အဲဒီလူက စမ်းသပ်ပြိးတဲ့နောက်မှာ မဖွင့်ပါရစေနဲ့ သေတ္တာကို ဖွင့်လိုက်ရင် အထဲက စက်ရုပ်ထွက်လာပြီး သူ့ခေါင်းကို ဖြတ်ပါလိမ့်မယ်လို့ လျှောက်တယ်။ မင်းကြီးက အတင်းဖွင့်ခိုင်းလေတော့ သေတ္တာကို ဖွင့်လိုက်တယ်ဆိုရင်ပဲ အထဲက စက်ရုပ်က ဝုန်းကနဲ ထွက်လာပြီး သန်လျက်နဲ့ အဲဒီပညာရှင်ရဲ့ ခေါင်းကိုဖြတ် ခေါင်းပြတ်ကိုပိုက်ပြီး သူ့တိုင်းပြည်ကို ပြန်ထွက်ပြေးသွားလေသတဲ့။ ဌာပနာတွေကို ကာကွယ်ထားတဲ့ ဓားစင်္ကြာ လှံစင်္ကြာတွေကို ဖျက်ဆီးနိုင်တဲ့ ပညာရှင်ကို ပြန်သတ်ချင်တဲ့အတွက် တီထွင်ဖန်တီးထားတဲ့ စက်ရုပ်ပါ။ အခြား ဘယ်လိုစက်ရုပ်မျိုးတွေ ဖန်တီးခဲ့သေးလဲဆိုတာ သိခွင့်မရစေခဲ့တာ ဘဝင်မကျစရာပါ။ အဲဒီအချိန်က ပညာရှင်တွေသာ အချင်းချင်း မသတ်ခဲ့ရင် ခုချိန်ဆို ဘယ်လောက်များ တိုးတက်နေလိုက်လေမလဲ တွေးမိရင်လဲ နှမျောစရာပါ အဲဒီခေတ်ကတောင် ဒီလို စက်ရုပ်မျိုးလုပ်နိုင်ခဲ့သေးတော့ ခုခေတ်မှာ လကမ္ဘာပေါ်ကို တက်နေတဲ့ ရိုဘော့တွေ လူသားနဲ့ ထပ်တူနီးပါး တူနေတဲ့ ရိုဘော့တွေ တီထွင်လာနိုင်တာ နောက်ကျတယ်လို့တောင် ဆိုလိုက်ချင်တယ်ဗျာ။ ။
ကျောင်းအားရက်မို့ ပို့စ်ကောင်းကောင်းလေး ရေးချင်တာနဲ့ သိသမျှအကြောင်းလေးတွေကို ဒသနဆန်ဆန်လေး ရေးလိုက်ပါတယ်ဗျာ။
အမြင်ဝေး၍ ခရီးဝေးသည့် တောင်
အပင်ကြီး၍ အသီးသေးသည့် ညောင်။
မြန်မာဆိုရိုးစကားပုံတစ်ခု ကြားဖူးမှာပေါ့။ ညောင်ပင်ဆိုတာ အရွယ်အစား တော်တော် ကြီးမားကြတာ သူငယ်ချင်းတို့လဲ သိမှာပေါ့။ ဒါပေမယ့် ညောင်သီးဆိုတာကတော့ လက်သည်းခွံ အရွယ်အစားလောက်ပဲ ရှိတာဗျ။ အပင်ကြီိးသလောက် အသီးသေးပါရဲ့။ ညောင်သီးထဲက အစေ့ကိုရော တွေ့ဖူးရဲ့လား။ နှမ်းစေ့ထက်တောင် သေးသေးတယ်လေ။ ဘိန်းစေ့ ၊ မုန်ညင်းစေ့လောက်ပဲ ရှိလေရဲ့။
ညောင်စေ့လောက်လျှူရင် ညောင်ပင်ကြီးလောက် ကုသိုလ်ရသတဲ့။ ဒါနရဲ့ အကျိုးက ဒီလိုဆတိုး ကောင်းကျိုးပေးတတ်ပါတယ်။ မှုန်မှုန်သေးသေး ပိစိညှောက်တောက် ညောင်စေ့လေးထဲမှာ ညောင်ပင်ကြီး တစ်ပင်အဖြစ် အမြစ်တွယ်ပြီး ပေါ်ပေါက်လာနိုင်တဲ့ ဗီဇနိယာမ စွမ်းအားသတ္တိတွေ ပါဝင်နေတယ်ဆိုတာ အကြောင်းအကျိုး ဆက်စပ်ပြီး တွေးကြည့်ရင် ညောင်ပင်ဖြစ်လာနိုင်တဲ့ မျိုးစေ့ဗီဇ စွမ်းအားသတ္တိ ရှိပြီးသားမို့ အချိန်ကာလ တခုသာပေးရင် သက်သေပြနိုင်လောက်ပြီပေါ့။
အလားတူပါပဲ။ လူတိုင်းရဲ့ ကိုယ်ထဲမှာ အောင်မြင်နိုင်စွမ်းရှိတဲ့ စွမ်းရည်သတ္တိတွေ ၊ အရည်အချင်းတွေ ၊ ထိုးထွင်းသိမြင်မှုတွေ ၊ တီထွင်ဖန်တီးနိုင်မှုတွေ ၊ အဆပေါင်းများစွာ ကြီးမားလာနိုင်တဲ့ အားအင်တွေ အများကြီး သိုလှောင်သိမ်းဆည်းထားပါတယ်။ လူပေါင်းများစွာဟာ ဒါကိုသတိမပြုမိဘဲ သေဆုံးသွားကြလို့သာလျှင် ဒီစွမ်းအင်တွေဟာ လူနဲ့အတူ မြေကြီးအောက်ကို အတူတကွ ရောက်ရှိသွားကြပြီး ဘာမှ ဖော်ထုတ်ပြသခွင့် မရလိုက်ကြတာပါ။
အောင်မြင်မှုတွေ ကြီးမားစွာ ရရှိနေကြတဲ့သူတွေဟာ ဘယ်နတ်ဒေဝါတွေကမှ မ စ လို့ မဟုတ်ကြသလို စူပါမင်းတွေ ၊ ပင့်ကူလူသားတွေလို စွမ်းအားစွမ်းအင် ထူးခြားဆန်း ကြယ်လှပါတယ်ဆိုတဲ့ ရုပ်ရှင်ဇတ်ကောင်တွေတောင်မှ ဘယ်မှော်ဆရာကမှ ဖန်ဆင်းတာ မဟုတ်ပါဘူး။ လူသားရဲ့ ဦးနှောက်ထဲက မွေးထုတ်လိုက်တဲ့ ဇတ်ရုပ်တွေပဲ မဟုတ်လား။ လူတွေ လုပ်တာပါပဲ။
လူတစ်ယောက်ဟာ မိမိကိုယ်ကို ယုံကြည်မှု ၊ အထင်ကြီး လေးစားမှု ၊ ဂုဏ်သိက္ခာပြည့်ဝ သူအနေနဲ့ ရိုသေဖို့တော့ အမှန်တကယ် လိုအပ်ပါတယ်။ ကိုယ့်ကိုကိုယ် တွေးထင်ထားတဲ့ အတိုင်း အမှန်တကယ် လိုက်ပါလုပ်ဆောင်ရင် ဖြစ်လာနိုင်တယ်။ အကုသိုလ် ဒုစရိုက်တရားတွေက ဘယ်လိုပဲ ဖြားယောင်းသွေးဆောင် စေကာမူ မလိုက်ပါ ၊ မနစ်မွန်းဘူး ငါဟာဖြူစင်တဲ့သီလ (အကျင့်စာရိတ္တ) ဂုဏ်ကို စောင့်ထိန်းနိုင်သူလို့ မှတ်ယူပြီး ရှောင်ကျဉ်နိုင်သူတွေဟာ အမှောင်မှ အလင်း ၊ အလင်းမှ ပို၍ လင်းရာဆီသို့ လျှောက်လှမ်း နိုင်ကြမှာပါ။ ဟီရိ သြတ္တပ လောကပါလ တရားနှစ်ပါးနဲ့ မိမိစိတ်ကို စောင့်ထိန်းတဲ့ လူစားမျိုးဟာ ဘယ်လိုပင် ဆွဲဆောင် ဖျက်ဆီးပါစေ မပျက်စီးနိုင်ပါဘူး။
တိုးတက်ဖို့အတွက် အကျိုးပြုနိုင်တဲ့ အခွင့်အလမ်းတွေဟာ လူတယောက်ရဲ့ ကိုယ်တွင်းမှာပဲ ရှိတယ်ပေါ့။ ကျွန်တော် ကြားဖူးတဲ့ မိမိကိုယ်ကို မြင့်မားအောင် ကျင့်သုံးတဲ့ နည်းကတော့ (၁) မကောင်းမှုရှောင် (၂) ကောင်းမှုဆောင် (၃) ဖြူအောင် စိတ်ကိုထား ဆိုတာလေးပေါ့။
