ကျောင်းတော်အပြန်

ငယ်ငယ်ကတည်းက ခုလိုအချိန် ဒီအဝန်းအဝိုင်းထဲက ထွက်လာတိုင်း ပျော်ရွှင်နေစမြဲပါ။ ခုတော့ ငါ့ပျော်ရွှင်မှုတွေ သိပ်အရောင်မလက်သလိုပဲ။ ငါသိပါတယ်လေ။ ငါ့ပျော်ရွှင်မှုမှာ လွမ်းမောမှုတွေ စွက်နေလို့ထင်ပါရဲ့။

ကျောင်းဝင်းအထွက် ကားဂိတ်မှာ ငေးငေးငိုင်ငိုင်နဲ့ပဲ စီးရမယ့် ကားနံပါတ်ကို စောင့်ရင်း စီးကရက်တစ်လိပ်ကို ခပ်ပြင်းပြင်း တချက်ရှိုက်လိုက်တော့ မိန်းမောမှုတွေ ပိုပြီး စီးဝင်လာတယ်။ ခဏကြာလို့ ကားရောက်လာတော့ စီးကရက်ကို ထိုးချေရင်း ခြေလှမ်းတွေကို အားယူပြီး ကားပေါ်တက်လိုက်တော့ မနက်နဲ့ ညနေဆို လူရှုပ်နေတတ်တဲ့ ဒီကားပေါ်မှာ ခုတော့ နေ့လည်မို့ လူကျဲနေလေရဲ့။ ထိုင်နေရင်း ကားလမ်းတလျှောက် မြင်ကွင်းကိုကြည့်ပြီး ငါ့အတွေးတွေ ဆက်မိပြန်တယ်။

ဒီနေ့ ဘာလို့ မပျော်သလဲလို့ အဖြေရှာကြည့်တော့ ငါ့ကို နှုတ်ဆက်သွားတဲ့ အတန်းထဲက နိုင်ငံခြားသား သူငယ်ချင်းတွေကြောင့်လား ၊ အမြဲကြီးစိုးနေတတ်တဲ့ လွတ်ဆွတ်မှုတွေ နိုးကြွမှုကြောင့်လား ဝေခွဲမရနိုင်ပြန်ဘူး။ စာမေးပွဲဖြေအပြီးမှာပဲ တတန်းထဲ တူတူစာသင် နေကြတဲ့ ကုလားသူငယ်ချင်းတွေ နောက် ဒီမြို့ပေါ်ကမဟုတ်တဲ့ ရုရှားတချို့တွေလည်း နွေပိတ်ရက်မှာ ကိုယ့်နိုင်ငံ ကိုယ့်မွေးရပ်ကို ပြန်ကြတော့မှာမို့ လာနှုတ်ဆက်ရင်း မေးကြတယ် မင်းရော မင်းတို့ နိုင်ငံကို မပြန်ဘူးလားတဲ့။

ငါသိပ်မုန်းတဲ့ မချိပြုံးကိုပဲ စွဲစွဲမြဲမြဲ ပြန်လုပ်ပြပေးရပြန်တယ်။ တုံ့ဆိုင်းနေတဲ့ ငါ့ပါးပြင်ရဲ့ သွေးကြောတို့ကြောင့် အတော်လေးကို အကျီးတန်သွားမယ်ထင်ပါရဲ့။ ငါ့ဘဝရဲ့ အခွင့်အလမ်းထဲမှာ အဲဒီလောက်ထိ ဖြေသိမ့်နိုင်မှုတွေ မပါလာဘူးလေ။ တစ်နှစ်ပတ်လုံး ကျောင်းတက်ရင်း မိဘဆွေမျိုးတွေကို လွမ်းရသလို နွေကျောင်းပိတ်ရက်မှာလဲ မွေးရပ်မြေကို ပြန်နိုင်ဖို့ ၊ တစ်နှစ်တာရဲ့ တမ်းတရမှုတွေ ဖြေဖျောက်နိုင်ဖို့ ဖြေသိမ့်နိုင်စွမ်းမှ ဘဝထဲမှာ ပါမလာခဲ့ပဲ။

ငါနေချင်တဲ့ ငါ့မွေးရပ်မှာ မိုးသဲရင် သဲမယ် နေပူကျဲကျဲဖြစ်ရင် ဖြစ်မယ် မြစ်ကမ်းနဘေးက ငါ့မြို့လေးမှာ ရေကြီးရင် ကြီးနေမယ်။ ဒါတွေကို ငါခံနိုင်ရည် ရှိပါသေးတယ်။ ဒါပေမယ့် တိမ်တိုင်တွေ နှင်းမှုံတွေ ရှောင်ပေးမှ အမှတ်မထင် သာခွင့်ရတဲ့ နေရောင်ဖျော့ဖျော့ရဲ့ အောက်က နွေသစ်ပင်ရဲ့ ပုရစ်ဖူးတို့ နွေးထွေးမှုကို တောင့်တနေတဲ့ ဒီဒေသမှာ ငါ့ဘဝအတွက် ငါ့ပျော်ရွှင်မှုတွေ ငါ့ဆန္ဒတွေကို မြှုပ်နှံထားခဲ့တာလေ။

တော်ရာမှာ နေရင်း မြုပ်နှံထားရတဲ့ ပျော်ရွှင်မှုတွေကို ခုရလာတဲ့ အောင်မြင်မှုတွေကြောင့် တနေ့နေ့တော့ ပြန်တူးဖော်နိုင်ကောင်းပါရဲ့။

xxxxx xxxxx xxxxx

စာမေးပွဲအပြီး ကျောင်းအပြန် မိဘတွေကို လွမ်းစိတ်နဲ့ ရေးမိထားတာပါ။ နွေကျောင်း ပိတ်ရက်တွေမှာ အမိမြန်မာပြည်ကို ပြန်ခွင့်မရပေမယ့် ဘလော့သူငယ်ချင်းတွေနဲ့အတူ ပျော်ပျော်ရွှင်ရွှင် ကုန်ဆုံးကြဖို့ မျှော်လင့်ပါတယ်ဗျာ...