ငါ့အရှုံးအတွက်

အတ္တကို ဦးတည်
မာယာတွေကို ခြယ်သ
မျက်ရည်နဲ့ ခြံရံ
စကားနဲ့ထိုးနှက်
မင်းအလိုရမ္မက်ကြောင့်
ငါ့ရင်ဘတ်တစ်ခုလုံး
စစ်တလင်းဖြစ်ခဲ့ပြီ ...

လှည့်ဖျားမှုကိုယုံကြည်
စာနာမှုကို ရင်တွင်းသိမ်း
ချုပ်ထိမ်းလိုက်တဲ့ကာကွယ်မှု
အားလျော့ဟန်ပြုလို့
တမင်အရုံးပေးလိုက်တာ
မင်းအတွက်အခွင့်ကောင်းလား...

ချစ်ခြင်းကိုလုယူ
ငါ့ရင်ကိုသိမ်းပိုက်
မင်းစိတ်ကြိုက်ထူထောင်မယ့်
မင်းမြို့တော်မှာ
ငါ့အမုန်းတွေနဲ့ပဲ
ခြယ်သပေးမယ် ...

ဒါဟာ
မင်းပြုံးနေမယ့်
ငါ့အရှုံးရဲ့
နာကျည်းမှုပဲ ...