တခါက မီးလောင်ပြင်မှာ (၁)

ခုတလော လူရော စိတ်ရော ထိခိုက်မှုတွေ များနေလို့ ဘလော့ဘက်မလှည့်ဖြစ်တာ တပတ်လောက်ဖြစ်သွားမိတယ်။ လူက ခါးနာလိုက် လက်ကို ဆီပူလောင်လိုက်နဲ့ ဖြစ်နေတာများ ပြောကို မပြောချင်တော့ဘူး။ ငယ်ငယ်လေးနဲ့ ခါးနာရလားလို့ မေးစရာတော့ရှိတယ်။ ကျနော် တက္ကသိုလ် ဒုတိယနှစ်ကတည်းက လေ့ကျင့်တဲ့ ဒါဏ်တွေကြောင့် ခါးရိုး အဆစ်လွဲခဲ့တာပါ။ ဒုတိယနှစ် ခွင့်ရက်ရလို့ အိမ်ပြန်တော့ မနက်တွေဆို ကျနော် ဘယ်လိုမှ မထနိုင်ဘူး ဖြစ်နေခဲ့တာကို မိဘတွေက သတိထားမိတော့ ဓါတ်မှန်ရိုက်ဖို့ အတင်းခေါ်တာနဲ့ ရိုက်ဖြစ်ခဲ့ပါတယ်။ ဓါတ်မှန်ပြားထွက်လာတော့ မေမေက ငိုလိုက်တာ…။ သူ့သား ဒီလောက် ပင်ပန်းခဲ့ရတယ်ဆိုပြီးတော့။ ကျနော်လဲ တော်တော် စိတ်ညစ်သွားခဲ့တာ။ ဆေးတွေ အများကြီး သောက်ခဲ့ရပေမယ့် လုံးဝပျောက်သွားတယ် မရှိပဲ တခါတခါ ပြန်နာတတ်တယ်လေ။ ဆီပူလောင်တာတော့ အိမ်ရှင်မမရှိသေးတော့ ကိုယ်တိုင် မီးဖိုချောင်ဝင်နေရသေးတာကိုး။ အဟိ ကြေညာဝင်တာ။ စိတ်မကောင်းဖြစ်ရတာတွေကတော့ ခင်မင်တဲ့သူတွေရဲ့ အထင်လွဲမှုတွေ ခံနေရလို့ပါ။ စိတ်ညစ်ညစ်နဲ့မို့ အဆက်ပြတ်သွားတာကို ခွင့်လွှတ်ကြမယ် ထင်ပါတယ်နော့။

နေမကောင်းတော့ မိဘနဲ့ မွေးမြေကို ပိုသတိရမိတယ်ဗျာ။ ခုကျနော်တို့ဆီမှာ ဆောင်းလေးလပတ်လုံး ကြွေကျလာတဲ့ နှင်းပွင့်တွေ ဆောင်းဟေမာန် အာဏာကုန်လို့ အစိုင်အခဲအဖြစ်နဲ့ မနေနိုင်တော့ပဲ အရည်ပျော်နေတဲ့ ရာသီပေါ့။ ကောင်းကင်က ကျလာတော့ နှင်း ၊ လေထုမှာ ပူနွေးစွာ ဖြတ်သန်းလာရတော့ လူနဲ့ ထိလိုက်တာနဲ့ မိုးရေတွေလို ဖြစ်သွားတဲ့ အချိန်ပေါ့။ နည်းနည်းတော့ ချမ်းနေသေးတယ်။ မြေပြင်မှာတော့ မြန်မာပြည်ရဲ့ မိုးတွင်းလို နေရာတိုင်းမှာ ဗွက်ပေါက်နေလေရဲ့။ ဒါပေမယ့် တစ်ခုလိုနေတာကတော့ မြန်မာပြည်မှာ မိုးရွာတဲ့အချိန် ရတတ်တဲ့ မြေသင်းနံ့လေး မရတာပဲ။ အဓိပ္ပါယ် တစ်ခုလိုနေတဲ့ ပုဒ်စာလိုပါပဲ။ မိုးဥတုသီးသန့်မရှိတဲ့ ဒီနေရာမျိုးမှာ ဒီအချိန်ပဲ မြန်မာပြည်နဲ့ တူတဲ့ အချိန်လေးတွေ ရှိတယ်လေ။ ဒီမှာ ရွာနေတဲ့ နှင်းမိုးတွေ မြန်မာပြည်မှာ ရွာလိုက်စေချင်တယ်ဗျာ။ အပူရှိန်တွေ ပြင်းထန်လို့ မီးတွေ လောင်နေရတဲ့ မြန်မာပြည်မှာ ဒီလိုမိုးတွေနဲ့ စိုစွတ်နေရင် ဒုက္ခတွေ ကင်းဝေးနိုင်မှာပေါ့။ ခုတော့ သိရတာ စိတ်မကောင်း ဖြစ်မိတယ်ဗျာ။

တခါကပေါ့… မြန်မာပြည် အလယ်ပိုင်း အညှာဒေသ မြင်းခြံမြို့မှာ တာဝန်ကျတုန်းက မီးဘေးကြုံတဲ့အချိန် ကြုံတွေ့ခဲ့ဖူးတယ်။ မီးလောင်လို့ သံချောင်းတွေ ခေါက်တော့ တခါမှလည်း မကြုံဖူးတော့ ကျနော်ပါ စိတ်လှုပ်ရှားနေရတယ်။ ဘာလုပ်ရမှန်းလဲ မသိဘူးလေ။ ဒါနဲ့ပဲ လူတွေစုပြီး ကားနဲ့ အမြန်သွားလိုက်တော့ ရပ်ကွက်လေးတစ်ခုရဲ့ အိမ်ယာတွေကို ဝါးမျိုနေတဲ့ မီးတောက်ကြီးက ကြောက်ခမန်းလိလိ အရှိန်အဟုန်နဲ့ ထောင်လွှားနေတယ်လေ။ လူတွေလဲ အထုတ်အပိုးတွေ ဆွဲသူဆွဲ သေတ္တာရွက်သူရွက်နဲ့ တပိုင်တနိုင် ယူနိုင်သလောက်လေး ယူသူယူ စက်ဘီး ဆိုက်ကား တွန်းလှည်း ကားတွေနဲ့ မီးဝေးရာကို သယ်သူတွေ သယ်နဲ့ လမ်းမနဲ့ အပြည့်ပါပဲ။ ကားလဲ ရှေ့ဆက်တိုးလို့ မရတော့တာနဲ့ ဆင်းပြီး မီးလောင်ရာနဲ့ အနီးဆုံးကို သွားလိုက်တယ်။

မီးညွန့်တွေ မြင်လိုက်ရတော့ တော်တော် တုန်လှုပ်သွားမိတယ်။ စလောင်တဲ့ နေရာက ဖိနပ်စက်ရုံရဲ့ သားရေနဲ့ အက်ဆစ်ရောတဲ့ ကန်ကတဲ့လေ။ မြင်းခြံဆိုတော့ ဖိနပ်ရုံတွေ ကပေါသားလားဗျာ။ ဘေးမှာက ပေါင်မုန့်ဖုတ်တဲ့ မီးဖိုကြောင့်လဲ ပိုအားပြင်းသွားတယ်တဲ့။ လမ်းဟိုဘက်မှာက ဆီပွဲရုံတဲ့။ သွားပြီပေါ့ဗျာ။ မီးခိုးလုံးတွေ ကြားက တိုးထွက်လာတဲ့သူတွေ မျက်နှာမှာ ဝမ်းနည်းမှုတွေ အပြည့်နဲ့ပေါ့။ ကျနော်တို့လည်း အဖွဲ့တွေ ခွဲပြီး မီးလောင်ရာ နေရာပတ်လည်မှာ နေရာယူလိုက်ပြီး နီးစပ်ရာက ရေပုံးရေခွက်တွေနဲ့ ပက်ခဲ့ရတယ်။ မီးသတ်ကား ဝင်ဖို့အတွက် ဖျက်သင့်တဲ့ အိမ်တွေလည်း ဖျက်ပစ်ခဲ့ရတယ်။ စိတ်ထားကောင်းတဲ့ အိမ်ရှင်ကတော့ အိမ်ရှေ့ခန်းလောက်ကို ကြည်ကြည်ဖြူဖြူ ဖျက်ပေးခဲ့ပေမယ့် တချို့ကတော့ ငြူစူတဲ့သူက ရှိသေးတယ်။

လူ့စုန်းပြူးဆိုတာကလည်း နေရာတိုင်းမှာ ရှိသားလားဗျာ။ မီးလောင်လို့ အိမ်ထဲက ခွာလို့ ရသမျှ ပစ္စည်းလေးတွေကို စုစည်းထုပ်ပိုးထားပြီး အပြင်မနိုင်တနိုင်နဲ့ ထုတ်နေတာကို ကူသယ်သလိုလိုနဲ့ ယူပြေးတဲ့သူတွေကိုလည်း ကြုံခဲ့ရတယ်ဗျာ။ တောမီးလောင်တော့ တောင်ကြောင် လက်ခမောင်းခတ်ဆိုတာ ဒါတွေခေါ်တာလားလဲ မသိပါဘူး။ ကံဆိုးတော့လဲ ပိုင်ရှင်က သတိထားမိပြီး အော်တော့ ကျနော်တို့ရှေ့က ဖြတ်ပြေးတဲ့ ဒီသကောင့်သားကို ဖမ်းချုပ်ထားလိုက်ရတယ်။ စိတ်မထိမ်းနိုင်လို့ ထိုးတောင်ထိုးမိသေးတယ်။ နီးစပ်ရာ ရေတွင်း ရေကန်တွေလဲကုန် မီးသတ်ကားတွေလဲ ရေဖြည့်နေတုန်းမှာတော့ နောက်ဆုံး အနီးဆုံး အအေးဆိုင်တွေက ရေသန့်ဘူးတွေပါ လျှူလို့ ပစ်ပေါက်ပြီး ငြိမ်းခဲ့ရတယ်။ တကိုယ်ကောင်းဆန်တဲ့စိတ်နဲ့ လူဆန်တဲ့စိတ်နဲ့ကို ဒီနေရာမှာ ကွဲကွဲပြားပြား သိရတော့တာပဲ။

ဆက်ပါဦးမည်.... အပြီးရေးချင်ပေမယ့် ကျောင်းရှိသေးလို့ဗျာ။ ကောင်းခန်းက ဒုတိယပိုင်းမှာ ပါလာမှာ ဟတ်ဟတ်