သင်္ကြန်လေသွေး (၁)

မရောက်ဖူးသေးတဲ့ နေရာမို့ မျက်စိထဲ အမြင်စိမ်းနေသည်။ အိမ်အသစ်ပြောင်းထားတာမို့ ကျောင်းပိတ်ရက် ခွင့်ပြန်လာချိန် ကျနော့်မျက်စိထဲမှာ အရင်အိမ်လို ရင်းနှီးခြင်းမရှိသေး။ ရှားရှားပါးပါး များများစားစား သင်္ကြန်ကျောင်းပိတ်ရက်။ သင်္ကြန်အကြို မတိုင်ခင် တစ်ရက်။

တညလုံးခရီးပန်းလာမှုတွေ ဇာတိမြေလေးမှာ ရေချိုးလိုက်တာနှင့် ပြေပျောက်သွားသည်။
“သားရေ ရေအကြာကြီး စိမ်ချိုးမနေနဲ့လေ ရေပြောင်း မြေပြောင်းမှာ ဖျားနေလို့ သင်္ကြန်မှာ စောင်ခြုံနေရအုံးမယ်” မေမေက သတိပေးရင်း ရယ်စရာ စကားဆိုလာသည်။

“စိတ်ချ မေမေရေ သင်္ကြန်ရက်လေးမှာ လုံးဝမဖျားစေရဘူး” စပ်ဖြဲဖြဲနှင့်ပြောရင်း ရေချိုးတာ အဆုံးသတ်လိုက်တော့သည်။ မိဘများကို ကန်တော့ပြီး စကားစမြည် တမနက်လောက် ပြောပြီးသည်နှင့် ငယ်သူငယ်ချင်းတွေကို သတိရသည့် စိတ်က ဝင်လာတော့သည်။

“သား သူငယ်ချင်းတွေဆီ သွားလိုက်အုံးမယ်”
“အင်းအင်း သား စက်ဘီးလေး အဆင်သင့်ပြင်ပေးထားတယ်” ဖေဖေက အလိုက်တသိ ဆိုသည်။ သို့နှင့် ငယ်ငယ်ကတည်းက စီးခဲ့သည့် မောင်းတိန်းဘီးလေး စီးပြီးထွက်လာခဲ့သည်။ ဖေဖေကတော့ သူတို့ ရှိရာဆီ တစ်နေကုန် သွားပြီး နှုတ်ဆက်ဖြစ်သည်။ စာသင်ဆောင် အိုအိုဟောင်းဟောင်းလေးတွေနဲ့ ကျနော့်ကို ပညာတွေ စုံအောင် သင်ကြားပေးလိုက်တဲ့ ကျောင်းလေးမှာ ဆရာ ဆရာမ ပြန်ဖြစ်နေကြတဲ့ သူငယ်ချင်းတွေ ၊ တက္ကသိုလ် တက်နေဆဲ သူငယ်ချင်းတွေ အားလုံးကို လိုက်နှုတ်ဆက်ခဲ့ရင်း စိတ်ထဲမှာ အရမ်းပျော်ရသည်။ သီတာကို ဝင်ခေါ်ပြီး ခင်သူ့အိမ်သို့ တူတူလာခဲ့ကြသည်။ ခင်သူ နှင့် သီတာ သည် ကျနော့်ဘဝတွင် အခင်ဆုံး နားလည်မှု အရှိခဲ့ကြဆုံး သူငယ်ချင်းများ ဖြစ်သည်။ သင်္ကြန်မှာ ပြန်မလာနိုင်တဲ့ သူငယ်ချင်းတွေဆီကိုလည်း ဖုန်းဆက်ခဲ့ကြသည်။ သူငယ်ချင်း အားလုံး မစုံလင်ပေမယ့် အခင်ဆုံး သူငယ်ချင်းတွေတော့ ရှိသည်မို့ ဒီနှစ်သင်္ကြန်က ပျော်စရာ ကောင်းတော့မည်။ ငယ်ငယ်က သင်္ကြန်မှာ တူတူ ရေကစားခဲ့ကြတာတွေ ပြောရင်းလည်း ရီစရာတွေ ဖြစ်ခဲ့ကြသည်။

ခင်သူက“နင် ငယ်ငယ်က ရေပုံးနိုင်တနိုင်နဲ့ သွားလောင်းတာ ရေတင်မကပဲ ပုံးပါလွတ်သွားလို့ လူကြီးတယောက် စိတ်ဆိုးသွားတာ မှတ်မိသေးလား”
“မှတ်မိတာပေါ့ဟ အဲဒီလူက နင့်ကို ခေါင်းကနေတောင် လောင်းသွားတာကိုး” ရှက်ရှက်နဲ့ ကျနော် ပြန်ပြောလိုက်ရသည်။
“ငါ့ကိုလည်း လောင်းသွားပါတယ်နော် ခင်သူ့ကိုတင် မဟုတ်ပါဘူး” သီတာကပါ ဝင်ပြောသည်။
“ခင်သူ့ ပုံခုံးကို လောင်းရင်တောင် နင့်ကို ခေါင်းက လောင်းသလို ဖြစ်နေမှာပါဟာ။ နင့်ခေါင်းနဲ့ ခင်သူ့ ပုံခုံးက တူတူ ဖြစ်နေတာကိုး”
ပြောလည်းပြော ပြေးလည်းပြေး ရသည်။ သီတာ အရပ်ပုသည်ကို အမြဲမပါပါအောင် နောက်ခဲ့သည့် ငယ်ငယ်က အတိုင်း ခုလည်း နောက်လိုက်သည်မို့ လိုက်ထုတော့သည်။

“သူ့ခင်သူကို ထိတော့ မခံဘူး ငါ့ကျတော့ ဘာဖြစ်ဖြစ်ပေါ့လေ။ ဟိုးနှစ်ကလို ပေါင်ချိန်ဖြစ်အောင် ထပ်ကို လုပ်အုံးမယ်”
လိုက်မမှီသည့်အဆုံး လွန်ခဲ့သော သင်္ကြန်က ကျနော့်ကို ဝိုင်းချုပ်ပြီး အိုးမည်းသုတ်ဖူးသည်ကို အရသာခံကာ ပြန်ပြောပြီး ကျိမ်းဝါးသည်။ ကျနော်က ခင်သူ့ကို အခင်ဆုံးဖြစ်သလို ပိုဂရုစိုက်တတ်သည်ကို သိသဖြင့် နောက်တာလဲဖြစ်သည်။
“ငါ့တို့ သူငယ်ချင်းတွေ တူတူ သင်္ကြန်မလည်ဖြစ်တာ သုံးနှစ်တောင် ရှိပြီနော်”
ခင်သူ၏ လွမ်းရိပ်သန်းသော စကားကြောင့် သုံးယောက်သား ပြန်ငြိမ်သွားကြသည်။ အရင် နှစ်က ကျောင်းအသီးသီး တက်နေကြသည်မို့ မဆုံဖြစ်လိုက်နိုင်ပေ။
“ဒီနှစ်တော့ သူငယ်ချင်းအားလုံး မဆုံပေမယ့် ငါ့တို့ ခုတူတူလည်ရမှာပါဟာ။ မနက်ဖြန် ငါတို့အိမ်မှာ မုန်လုံးရေပေါ် လုပ်စားကြမယ်လေ။ နင်တို့ လာမယ်မလား” သူငယ်ချင်းတွေ ကျနော့်အိမ်မှာ အမြဲ မုန့်လုပ်စားနေကြမို့ရော တပျော်တပါး မုန့်လုံးရတာကိုရော နှစ်သက်သည်မို့ တခါတည်းပြောလိုက်သည်။
“လာမယ် လာမယ် စိတ်ချ”
“လာမှာပေါ့ဟ အစောကြီးလာမယ် ဒါမှ ရေပက်မခံရမှာ”
“အေးပါဟာ သိပါတယ် အစားအသောက်ဆို ထိပ်ဆုံးကဆိုတာ သိပြီးသား။ အိမ်တံခါး မဖွင့်ခင် ရောက်လာအုံးမှာတောင် မြင်ယောင်သေး” ပြောပြီးတာနှင့် စက်ဘီးပေါ်တက်ကာ နင်းပြေးခဲ့ရသည်။ မိသွားရင်တော့ ဗိုက်ကြောပြတ်ပေတော့မည်။

အိမ်ပြန်ရောက်တော့ မိဘများကို ပြန်ချွဲရင်း အလွမ်းသယ်ရင်း ညဖက်ရောက်လာသည်။ ခုထိ တယောက်သောသူဆီသို့ မရောက်သေး။ မနှစ်က ခွင့်ပြန်လာစဉ် ရည်းစားလိုလို ဘာလိုလို ဖြစ်ခဲ့သည့်သူလေး။ ဖုန်းအဆက်အသွယ်တော့ ရှိကြသည်။ သူ့ဆီကိုတော့ တယောက်တည်း သွားလို့ မဖြစ်။ သူ့အဖိုးကြီး အိမ်မှာ ရှိနေရင် အိမ်နားတောင် ကြာကြာ ရစ်မနေရဲပေ။ မနက်ဖြန်မှ ခင်သူနှင့် သီတာကို အပူကပ်ပြီး ခေါ်ထုတ်ခိုင်းရတော့မည်။ ဥာဏ်နီ ဥာဏ်နက်များကို စဉ်းစားရင်း ခရီးပန်းပန်းဖြင့် အိပ်မက်တို့ ခေါ်ဆောင်ရာ ပါသွားတော့သည်။ အိပ်မက်ထဲမှာတော့ သင်္ကြန်လည်နေသည် ရေတွေ ပက်နေသည်။ ဘေးက ဘယ်သူရယ် မသိ ၊ ပက်သူ ဘယ်သူရယ်မသိ။

သင်္ကြန်အကြို မတိုင်ခင်ည။
အိမ်ရှေ့မှ အတာအိုးလေးကတော့ အတာပန်းမျိုးစုံဖြင့် လန်းဆန်းနေဆဲ။
သင်္ကြန်ရနံ့ မွှေးပျံ့နေဆဲ။

သင်္ကြန်ဆိုရင် ကျနော့်ပိုးတွေ ထထလာလို့ ခု ကျနော့် သင်္ကြန်ပိုးလေးကြောင့် ဝတ္ထတိုလေး ရေးဖြစ်တာပါ။ အပြီးထိ မရေးနိုင်သေးတာကိုတော့ သည်းခံပါအုံး။ ဆက်ရန်ပေါ့ :)