သင်္ကြန်လေသွေး (၂)

သင်္ကြန်အကြိုနေ့…
မနက်အိပ်ယာထလို့ မျက်နှာသစ်ပြီး ခဏအကြာမှာပင် ခင်သူ ဆိုင်ကယ်လေးနှင့် ရောက်လာသည်။ သီတာကတော့ စက်ဘီးနှင့် လာရသည်မို့ နောက်ကျဟန်တူသည်။ ကျောပိုးအိပ် အသေးလေး အနည်းငယ် ဖောင်းနေသဖြင့် အဝတ်လေး အပိုတစ်စုံ ထည့်လာပုံရသည်။
“စိတ်ချရတယ်နော် မနေ့က ပြောတဲ့အတိုင်းပဲ”
“ကောင်စုတ် ကူလုပ်ပေးရအောင်လို့ စောစောလာတာပါ” မျက်စောင်းလှလှ ဖြင့် မိတ်ဆက်တော့သည်။
“သီတာလာမှ စ လုံးကြမယ်ဟာ။ ဘေးအိမ်က အမကြီးတွေရော တခြား သူငယ်ချင်းတွေလဲ ခေါ်ထားသေးတယ်လေ”
“ဟုတ်လား ဒါဆိုရင်တော့ ပျော်စရာကြီး”
“ဟုတ်ပ ငါပြန်လာတုန်းလေး ငါ့သူငယ်ချင်းတွေကို ပျော်စေချင်လို့။ မဟုတ်ရင် ဘဲတွေနဲ့ပဲ နှစ်ပါးသွားနေကြတာ ပျော်စရာ သိပ်မရှိမှာစိုးလို့ ”
“ဟာ သမီးတောင် ရောက်နေပြီကိုး။ သားကတော့ ခုမှ နိုးတာ ဝိရိယက ကောင်းမှကောင်းလေ” မေမေကပါ ဝင်ပြီး ချီးမွန်းခန်းဖွင့်သည်။
“ဟဲ့ ခင်သူ နင် အိမ်ပြင်ခဏ လိုက်ခဲ့ ၊ ငါတို့ ထိုင်ဖို့ ဖျာသွားခင်းဖို့”
“ဘာလို့လဲ ။ နင်နော် ညာတာပါတေးနဲ့ ရေလောင်းမလို့ မဟုတ်လား” ပါးလိုက်တဲ့ ခင်သူ ခေါ်လို့ကို မရ။ ဒါနဲ့ပဲ သူငယ်ချင်းတွေ စောင့်ရင်း အိမ်ပေါ်မှာ ကာရာအိုကေ ဆိုဖြစ်ကြသည်။ သင်္ကြန်ကာလမို့ လက်က အလိုလို သင်္ကြန်ခွေတွေ ထည့်ပြီးသား ဖြစ်သွားသည်။ ဘယ်လိုပဲ လိမ်လိမ်မာမာ နေခဲ့ပါစေ ဒီလိုအချိန်တွေတော့ မိုက်ခဲဖြစ်နေပြီ။ ဖေဖေနှင့် မေမေကတော့ မနက်စာ စားရင်း ကျွန်တော်နှင့် ခင်သူ သီချင်းရွေး ၊ မိုက်လုနေကြသည်ကို ကြည့်ပြီး ရီနေကြသည်။ ငယ်သူငယ်ချင်းများ ဖြစ်သည့်အပြင် မိဘချင်းပါ ရင်းနှီးသဖြင့် ခင်သူကလဲ ကျွန်တော့်အိမ်မှာဆို ဗိုလ်ကျချင်သည်။ ကျနော်ကလည်း အလျှော့မပေးပဲ သူဆိုချင်သည့် မိန်းခလေးဆိုသည့် အခွေမထည့်ပဲ ယောင်္ကျားလေး ဆိုသည့် သီချင်းတွေသာ ဖွင့်သည်ကိုလည်း အသံသေးသေးလေးဖြင့် မရရအောင် ဖျစ်ညစ်ဆိုသည်ကို ကြည့်ပြီး ရီနေခဲ့ရသည်။
“ဇော်ဝမ်းကြီးတော့ ငိုတော့မှာပဲ ခင်သူရာ နင့်စာကလေးသံနဲ့များ လုပ်ရက်လိုက်တာ”
“နင်က အကျင့်ယုတ်ပြီး ငါ့အခွေတွေ ထည့်မှ မပေးပဲကိုး။ ရအောင် လိုက်ဆိုမှာပဲ။ မဆိုစေချင်ရင် ငါကြိုက်တဲ့ အခွေထည့်ပေး”
“အေးပါ ထည့်ပေးပါတော့မယ်။ သနားလာလို့”
“အောင်မယ် သနားစရာလား။ ပြောင်းပေးတော့။ ငါ့သီချင်းတွေ လိုက်မဆိုနဲ့နော်”
“နင့် မိန်းကလေး သီချင်းတွေ ငါလိုက်ဆိုစရာလားဟ။ ငါ အိမ်ရှေ့မှာ ကင်းသွားစောင့်လိုက်အုံးမယ်”
“ငါ့ဆိုင်ကယ် အတွက်လား ။ မပူနဲ့ ခြံထဲမှာ ရပ်ထားခဲ့တာ”
“ဟုတ်ပါလိမ့်မယ် အားကြီးကြီး။ ငါ့အိမ်ကို ခဲနဲ့ ဝိုင်းပေါက်မှာ စိုးလို့” ထိုင်ရင်းနဲ့မို့ လုံးဝ ပြေးချိန်မရလိုက်ပေ။ ခင်သူရဲ့ ဗိုက်ခေါက်လိမ်ဆွဲခြင်း အတတ်ပညာကို ကောင်းကောင်း သင်ယူလိုက်ရသည်။ သို့နှင့် သူသီချင်းဆိုနေသည်ကို ဘေးမှ ထိုင်အားပေးရင်း ခင်သူ့ကို သေချာကြည့်နေမိသည်။ နူးညံ့စွာ ခေတ်ဆန်သည့် အလှက သူမျက်နှာလေးမှာ ပေါ်လွင်နေသည်။ နောက်ချင်သည်မို့သာ ဘယ်လို ရုပ်ဆိုးကြောင်း ပြောပေမယ့် ခင်သူရဲ့ အိနြေ္ဒရစွာ ဆွဲဆောင်သည့် အလှကိုတော့ အသိအမှတ်ပြုရသည်။ ရန်ဖြစ်ခဲ့ စိတ်ဆိုးခဲ့ကြတိုင်းလဲ ပြန်မခေါ်ပဲ မနေနိုင်ခဲ့ကြ။ စိတ်ညစ်နေရင်လည်း သူ့အားပေးစကားတွေကြောင့် ပြေပျောက်ခဲ့ရသည်။ တိုင်ပင်စရာ ရှိရင်လည်း ပွင့်ပွင့် လင်းလင်း ပြောခဲ့ကြသည်။ ခု ခေါင်းထဲမှာ တွေ့ချင်နေသည့် သူကလေး အကြောင်းကိုတော့ အိမ်မှာ မိဘတွေလဲ ရှိနေသည်မို့ မပြောပြရသေး။
အတွေးတို့ လွင့်နေစဉ်မှာပင် သီတာရောက်လာသည်မို့ အတွေးစများ ပြတ်သွားသည်။ မရှေးမနှောင်းမှာပင် အိမ်နားပတ်ဝင်းကျင်မှ အသိများနဲ့ သူငယ်ချင်းတချို့လည်း ရောက်လာသည်မို့ အိမ်အောက်တွင် ဝိုင်းဖွဲ့ကာ မုန့်လုံးကြ မီးဖိုကြနှင့် အလုပ်ရှုပ်ကြတော့သည်။ သင်္ကြန်သီချင်းတွေနဲ့ အတူ မုန့်လုံးရင်း စရင်းနောက်ရင်းနဲ့ အိုးမည်းလည်း အသုတ်ခံရသည်။ ကျနော်ကလည်း ရိုးရာအတိုင်း မုန့်လုံးရေပေါ်ထဲမှာ ငရုတ်သီး ခိုးထည့်သည်။ ကောင်းသူထိပ် မကောင်းသူထိပ်ပေါ့။
“ထူးအောင် နင်မညစ်ပတ်နဲ့ဟာ။ ငရုတ်သီးတွေ ထည့်လိုက်တာ ငါမြင်တယ်” ဘယ်အချိန်က ချောင်းနေမှန်း မသိသော သီတာက မိသွားသည်။
“ဘေးအိမ်တွေ အလျုလိုက်လုပ်အုံးမှာနော် နင်ငရဲကြီးနေမယ်” ခင်သူက လူကြီးလေသံနဲ့ ဝင်ဟောက်သည်။
“အောင်မယ် အဘွားကြီး ကျနေတာပဲ။ အအီပြေအောင်လဲ အပင်ပန်းခံပြီး ခိုးလုပ်ပေးရသေးတယ်”
“အမလေးလေး နင့်စေတနာတွေ ငါသိပါတယ်။ မလုပ်နဲ့တော့ဟာ.. နင်ဂစ်တာသွားယူဟာ ဝိုင်းဖွဲ့ပြီး သီချင်းဆိုကြမယ်”
ဒါနဲ့ပဲ ကျနော်က ဂစ်တာတီးပြီး သီချင်းဆိုရင်း မုန့်လုပ်ကြရင်းနဲ့ပဲ အတော်လေး မုန့်တွေ ကျက်လာပါပြီ။ ကိုယ့်လက်ရာ ကိုယ်ပြန်စားကြည့်ကြရင်း ကောင်းတယ်လို့ပဲ သုံးသပ်ကြပြန်သည်။ သီချင်းဆိုရင်း မတွေ့ရသေးတဲ့ သူလေးကို ပိုသတိရသလိုလို …
“သားရေ ဘေးအိမ်တွေကို အလျူသဘောမျိုး မုန့်လိုက်ပို့ပေးပါအုံး” မေမေပြောတော့ ဂစ်တာတီးရပ်ပြီး အဝတ်အစား သေချာလဲကာ မေမေထည့်ပေးထားသည့် မုန့်လုံးရေပေါ် ချိုင့်တွေဆွဲပြီး ဘေးအိမ်တွေ လိုက်ပေးသည်။ တချို့ မြို့ထဲက အသိတွေထံသို့လည်း ပို့ခိုင်းသည်။ ဆိုင်ကယ်ရှေ့ခြင်းထဲမှ မုန့်ချိုင့်တွေကို မမှောက်အောင် ထိမ်းစီးရင်း ….. အဲ… အကြံရသွားပါပြီ ။ တညလုံး စဉ်းစားလို့ မရသေးသည့် အကြံဥာဏ်တွေ ခုမှ ပွင့်တော့သည်။ ခင်သူနဲ့ သီတာကို သူလေးအိမ်ကို မုန့်ပို့ခိုင်းရင်း အပြန်မှာ ခေါ်ထုတ်လာခိုင်းရမည်။

ဆက်ဦးမယ်ဗျာ...