သင်္ကြန်လေသွေး (၄)

သင်္ကြန်အကျနေ့။

သကြားမင်းကြီး ဆင်းလာပြီထင့်။ သင်္ကြန်ကား မနေ့ကထက် ပိုမို၍ အသက်ဝင်လာသည်။ ခင်သူနဲ့ သီတာ တို့ လာခေါ်လို့ ထွက်လာပြီး သူငယ်ချင်းတွေ စုရပ်ဆီ လာခဲ့ကြသည်။ သူငယ်ချင်းများကလဲ အတွဲကိုယ်စီဖြင့် လည်ကြမယ့် သူငယ်ချင်းတွေနဲ့ ကားနဲ့ စဉ်းစားကြည့်လိုက်ရင် ကားက သေးနေမည် ထင်သည်။ အမိုးပွင့် ဂျစ်ကားလေး။ မိုးပြာနဲ့လဲ လွတ်လွတ်လပ်လပ် မဖြစ်နိုင်သဖြင့် သူစိတ်ဆိုးမှာလဲ စိုးရသေးသည်။ ထို့ကြောင့် ခင်သူနှင့် သီတာကို ကားနှင့်သာ လည်ခိုင်းလိုက်ပြီး ကျနော်နှင့် မိုးပြာကတော့ ဆိုင်ကယ်ဖြင့်သာ လည်တော့မည် ဖြစ်ကြောင်း ပြောလိုက်သည်။ သူတို့ကို ထားခဲ့ရမည် ဖြစ်သဖြင့် အားတော့နာမိသည်။ ဒါပေမယ့်လည်း ကားတစ်စီးလုံးလည်း သူငယ်ချင်းတွေချည်းသာ ဖြစ်သဖြင့် မျက်နှာပူပူဖြင့် ထားခဲ့ရသည်။ မိုးပြာနှင့် ချိန်းထားသည့် နေရာတွင် စောင့်နေရင်း ရင်ခုန်သံတို့ကား ထိမ်းချုပ်မရလောက်အောင် ရှိသည်။

မိုးပြာရောက်လာတော့ ကားမှာ လူကြပ်နေ၍ ဆိုင်ကယ်ဖြင့်သာ လည်မည်ဖြစ်ကြောင်းပြောပြီး ထွက်ခဲ့ကြသည်။ ဆိုင်ကယ်နှင့်မို့ ကားနဲ့ လောက်တော့ လွတ်လွပ်စွာ မနေရပေမယ့် နှစ်ယောက်တည်းမို့ တကမ္ဘာထင်မိနေသည်။ သတိတော့ထားပြီး မောင်းရသည်။ မူးနေတတ်ကြသည် မဟုတ်လား။ မဏ္ဍပ်ရှေ့တွေ ဖြတ်တိုင်း ရေပိုက်တွေ ရေလုံးတွေ ကြားမှာ ခါးလေးကို ဖက်ပြီး ခေါင်းလေးဝှက်ထားတတ်သည်။ အရမ်းမွန်းလာရင်တော့ ကျောကိုထုပြီး မဏ္ဍပ်ရှေ့က ထွက်ဖို့ သတိပေးတတ်သည်။ ရေစိုလို့ ချမ်းနေပေမယ့် သူ့ရင်ငွေ့ကြောင့် နွေးထွေးနေသည်ဟု တောင်ထင်မိသည်။ ခါးကိုဖက်သိုင်းထားသည့် မိုးပြာလက်လေး တုန်နေတော့ ကော်ဖီဆိုင်လေး တစ်ဆိုင်ထဲ ဝင်ပြီး နားခဲ့ရသည်။
“အရမ်းပျော်တာပဲ မိုးပြာရယ်။ သင်္ကြန်မှာ ချစ်သူနဲ့ လည်ရတာ ကို့ဘဝမှာ ဒီတကြိမ် ပထမဆုံးပဲ။ မိုးပြာရော ပျော်လားဟင်”
“အင်း ပျော်တာပေါ့ ကိုရယ်။ ဆိုင်ကယ်ကို ထိမ်းမောင်းဖို့ ပြောရတာလဲ အမောပဲ။ မဏ္ဍပ်ရှေ့ရောက်ရင် ပြန်ကို မထွက်တော့ဘူး။ မွန်းနေပါပြီဆိုမှ ဟွန်း”
“ဒါမှ မိုးပြာက ကို့ကို ပိုဖက်ထားမှာပေါ့။ မနက်ဖန်လဲ လည်ကြအုံးမယ်လေ”
“ဟင့်အင်း မနက်ဖန်တော့ မိုးပြာ မလည်တော့ဘူး။ အိမ်မှာ အလျှူလုပ်မှာမို့ မိုးပြာ ပျောက်လို့ မဖြစ်ဘူး။ ဒီနေ့ အကြာကြီး လည်ခဲ့ကြတာပဲ။ ကျေနပ်တော့နော် ကို”
ဒီလိုနဲ့ပဲ လက်လျှော့ခဲ့ရသည်။ စကားလေး တီးတိုးပြောရင်း တစ်ယောက်ရင်ခွင်မှာ တစ်ယောက်နွေးထွေးခဲ့ရသည်။ အချမ်းပြေတော့ နောက်တခါ ထပ်လည်ကြသည်။ တချို့ မဏ္ဍပ်ရှိလာ လမ်းတွေကိုတော့ သူ့မိဘအသိများရှိသည်ဆို၍ မဝင်ဖြစ်ခဲ့။ မြို့ထဲမှာ ပတ်ရင်း ခင်သူနှင့် သီတာတို့ ပါရာ ကားကို မြင်လိုက်မိသောအခါ မျက်နှာပူသဖြင့် ရှောင်ပြီး လည်ခဲ့ရသည်။ ညနေ နေဝင်သည့်အခါမှာတော့ နှုတ်ဆက်ရင်း အိမ်သို့ ပြန်လာခဲ့သည်။

ညဖက် ခင်သူ့ဆီ ဖုန်းဆက်တော့ ခင်သူက သူတို့ကိုထားပြီး မိုးပြာနှင့်သာ လည်ခဲ့သဖြင့် အပြစ်တင်ချင်သည့် စကားသံတချို့ကြားရသည်။ သို့သော် စကားလုံးများကို ထိမ်းချုပ်ထားပုံရသည်။ အရင်လို စိတ်ဆိုးဆိုးနှင့် ပြောနေသည်တော့ မဟုတ်။ ရေပက်ခံနေတုန်းကလည်း ကားပေါ်မှာ ခင်သူနှင့် သီတာတို့ ထူးထူးခြားခြား ပျော်မနေတာကို သတိထားမိခဲ့သည်။ မနက်ဖန်ကို မလည်တော့ပဲ မဏ္ဍပ်တွင်သာ ရေပက်တော့မည်ကိုပါ ပြောလိုက်သည်။ ခင်သူကိုတော့ နောက်နေ့မှ ချော့ရတော့မည်။ သူ စိတ်မကောင်း ဖြစ်နေရင်တော့ ကျနော် မနေတတ်။

ရေပက်ခံကားပေါ်မှပင် နောက်မှ ဆိုင်ကယ်ဖြင့် ရေပက်ခံရင်း ပျော်ရွှင်နေသည့် သူတို့နှစ်ဦးကို သူကိုယ်တိုင် မြင်ခဲ့ရသည်။ ခင်သူ့ရင်မှာ နာကျင်ရသည်။ မိုးပြာက နောက်မှ သိုင်းဖက်လို့ ထူးအောင်က ကြည်နူးနေသည့် မျက်နှာကို သင်္ကြန်ရေတွေ ကြားမှာပင် မြင်လိုက်သေးသည်။

“ငါ့အချစ်တွေကို မမြင်တာလား ထူးအောင်ရယ်။ နင့်အပေါ် သံယောဇဉ်တွေ ဂရုစိုက်မှုတွေ အလေးထားမှုတွေ ဖြစ်လာရတာဟာ အချစ်ကြောင့်ပဲ ထင်ပါရဲ့။ ဒါပေမယ့် ပြောခွင့်မရှိတဲ့ ငါ့အဖြစ်ကို နင် နည်းနည်းလေးတောင်မှ ဂရုမပြုမိဘူးလားဟယ်။ နင့်ရင်ခွင်ထဲမှာ တခြားတယောက် ရှိနေပေမယ့် စိတ်လဲ မဆိုးနိုင် မေ့လဲမမေ့နိုင် ဖြစ်နေရတယ်လေ။ နင် ပျော်စေဖို့အတွက် အတတ်နိုင်ဆုံး ငါပြုံးပေးပါ့မယ် ထူးအောင်ရယ်….. ”

သင်္ကြန်အကျနေ့ည။
အိမ်တိုင်းတွင်လည်း သင်္ကြန်သီချင်းတွေ ပျံ့လွင့်ဆဲ။
ပိတောက်ပန်းတို့ မနက်ဖန် ပွင့်လေမည်လား။

ကျနော့်သင်္ကြန်ပိုးကတော့ ခက်နေပြီ။ ဝတ္ထုတိုကို လက်စကို မသပ်ချင်သေးဘူးဖြစ်နေတယ်။ အရှိန်က တဖြည်းဖြည်း ပိုရလာလို့ဗျာ။ နောက်တပိုင်းတော့ ဇတ်သိမ်းပါတော့မယ်း) ။