သင်္ကြန်အကြတ်နေ့။
ရေပက်ခံကားတွေ ဆိုင်ကယ်တွေ အလွန်ပင် စည်ကားနေ၏။ မဏ္ဍပ်မှာလည်း သူငယ်ချင်းတို့၏ သီချင်းသံတွေ ပျံ့လွင့်နေသည်။ သီတာတော့ ရောက်လာခဲ့သည်။ ခင်သူကတော့ ရောက်မလာသေး။ ရေပက်လိုက် သီချင်းဆိုလိုက်နှင့် တမနက်လုံး ပျော်နေခဲ့သည်။ ခင်သူ ဘယ်အချိန် ရောက်လာမလဲလို့တော့ မျှော်နေမိသည်။ သို့ပေမယ့် တမနက်လုံး ခင်သူ ရောက်မလာခဲ့။ နေ့လည် ခဏနားတော့ ခင်သူ့ဆီ ဖုန်းဆက်သည်။ နေမကောင်းချင်သလို ဖြစ်နေ၍ မလာတော့ကြောင်းဆိုသည်။ စိတ်ပူမိသွားသည်။ ညမှ သွားတော့မည်။ ခုနေ့လည် ခဏနားရင် ညနေအတွက် အားမွေးနေလိုက်သည်။ မိုးပြာကိုလဲ သတိရမိနေသည်။
ညနေဖက် တခါ ရေပက်ကြပြန်တော့ ကားတွေ မနက်ကထက်ပင် ပိုစည်လာသည် ပိုကြတ်လာသည်။ မဏ္ဍပ်တစ်ခုမှတခု ကူးနိုင်အောင် တော်တော် ရွှေ့ယူနေရသည်။ ဒါ့ကြောင့် အကြတ်နေ့ဟု သတ်မှတ်သည်ထင့်။ ကားပေါ်တွင်လည်း ရောင်စုံမိန်းကလေးများ စည်းချက်ညီ လွင့်လူးနေကြသည်။ အတွဲများကလည်း သင်္ကြန်ရေတွေကြားမှာ မြူးနေကြ လေသည်။ ချစ်သူအပေါ် စစ်သူရဲကြီးတွေအလား အကာအကွယ် ပေးကြသည်။ အဖော်မပါသူ ယောင်္ကျားလေးများကတော့ ကသူက ခုန်သူခုန်နှင့်။
မျက်လုံးတို့ ပြာဝေသွားသည်။ ရေဝင်နေသဖြင့် မျက်စိတို့ ဝါးဝေနေသည်လား အထင်ဖြင့် မဏ္ဍပ်ရှေ့မှ ကားကို ထပ်ကြည့်မိသည်။ သေချာလေပြီ မိုးပြာမှ မိုးပြာ။ ကျနော် ချစ်ခဲ့ရသော ၊ မနေ့က အတူတူလည်ခဲ့ကြသော ၊ ဒီနေ့ အလျှူရှိသဖြင့် မလည်နိုင်ကြောင်း ပြောခဲ့သော မိုးပြာ။ ယခု တခြားသူ ရင်ခွင်ထဲမှာလဲ ပြုံးလို့ပျော်လို့ပင်။ သူတို့ စုံတွဲအား ကျနော်ကိုယ်တိုင် သင်္ကြန်ရေတို့ ပက်ဖြန်းပြီး အသိအမှတ် ပြုနေသယောင်ယောင်။ ရေပိုက် ရေလုံးတို့ကို ကြောက်သည့်ဟန်မူပိုလို့ တခြားရင်ခွင်ထဲကို မျက်နှာအပ်လို့ ဖက်တွယ်ထားသည်လေ။ သူ့မျက်လုံးထဲတွင်တော့ ကျနော့်ကို မြင်မည်မဟုတ်။ သူမျက်နှာမူရာ တခြားသူရဲ့ ရင်ကိုသာ မြင်နေပေလိမ့်မည်။ မိုးပြာတို့ ချစ်သူစုံတွဲတို့ စီးသည့်ကား တဖက် မဏ္ဍပ်ကူးသွားသည်အထိ လိုက်ကြည့်နေမိသည်။ ရေပိုက်ချပြီး မဏ္ဍပ်အောက်ဆင်းတော့ သီတာကပါ ဆင်းလိုက် လာသည်။ သူလဲ မြင်လိုက်သည်ထင့်။ မျက်ဝန်းတို့က နားလည်မှု အယောင်သန်းနေသည်။
တစ်နှစ်တစ်ယောက်တွဲသည်ထက် တစ်ရက်တစ်ယောက် ထည်လဲတွဲတတ်သူ မိုးပြာကို အံ့သြမိသည်။ အချစ်ကို ကျွမ်းကျင်ပြီးသား ကစားနည်းတစ်ခုနှယ် သူ့စိတ်ကြိုက် ပိရိစွာ ကစားသွားခဲ့သည်။ သူ့ဆီမှ ဖြေရှင်းမှုတို့လဲ မလိုအပ်တော့။ ဟန်ဆောင်စကားများကိုလည်း ယုံနိုင်စွမ်းတို့ ကုန်ခမ်းလျှက်။ ချစ်ခဲ့သည့် အချစ်တို့လည်း ဒီမှာတင် နိဂုံးချုပ်သင့်လေပြီ။ ခံစားနေ၍လည်း ထူးမည်မဟုတ်။ မိုးပြာအတွက်တော့ အောင်နိုင်သွားသော လှည့်စားမှုတစ်ခုသာ ဖြစ်စေလိမ့်မည်။ ချစ်ခဲ့သည့်အချစ်တို့ မယစ်မူးမှီ သိလိုက်ရ၍ ကံကောင်းသွားသည်ဟုသာ သတ်မှတ်ရတော့သည်။ သူငယ်ချင်းများကိုပင် လှစ်လျှူရှုမိ ခဲ့သည့် ကိုယ့်လုပ်ရပ်ကိုလည်း တွေးကာ ရှက်မိနေသည်။
ရင်ထဲက အပူတို့အား ငြိမ်းအေးစ ပြုနိုင်ချိန်မှာ ခင်သူ့ထံသို့ ဖုန်းဆက်သည်။ မိုးပြာအကြောင်းကိုပါ ပြောပြမိသည်။ သီတာထံမှ ကြိုတင်သိထားသည်ထင်၏။ နှစ်သိမ့်ပေးနေသည်။ ဖျားတာသက်သာပြီလား မေးတော့ သူ့ကို စိတ်မပူနဲ့တဲ့။ ရှုပ်သလို ဖြစ်နေမှာစိုးလို့ တမင်ရှောင်ပြီး မလာခဲ့ကြောင်း နားလည်လိုက်သည်။ အားနာလိုက်တာ ခင်သူရယ်။ စကားမပြောနိုင်ကြပဲ အတွေးကိုယ်ဆီနဲ့ နှုတ်ဆိတ်နေခဲ့ရသည်မို့ ဖုန်းချလိုက်သည်။ ဒီလောက်တောင်ပဲ နားလည်ပေးနိုင်လား ဒီလောက်တောင်ပဲ စိုးရိမ်ပေးခဲ့လား ခင်သူရယ်။ နင်ငိုနေပါတယ်လေ။ ငါသိပါတယ်။ နင်ငိုနေတယ်။ နင့်ရှိုက်သံတွေကို ဖုန်းထဲကနေ ကြားနေရတယ်။
ဟော … သင်္ကြန်မိုးတွေ ရွာလာပြီ။ လေညင်းတွေ ဝှေ့လို့တိုးရင်း သစ်ပင်များလည်း ယိမ်းနွဲ့လို့။ လေအဝှေ့တိုင်းမှာ မိုးစက်ပွင့်တို့နဲ့အတူ နွေရနံ့တွေ မြေသင်းနဲ့တွေ ပါနေလေရဲ့။ နွေကာလလေးကို အေးမြစေတဲ့ သင်္ကြန်မိုး ၊ သင်္ကြန်ချိန်ခါ ပိတောက်တို့ ပွင့်လန်းဖို့အတွက် ခွန်အားတွေ ပေးသနားမယ့် သင်္ကြန်မိုး ၊ ရင်ထဲထိ အေးမြစေမယ့် သင်္ကြန်မိုးပါပေ။ မိုးပြာကြောင့် ရင်ထဲက ဒေါသတွေ နာကျင်မှုတွေကို သင်္ကြန်မိုးတွေက ယူငင် ဖြေဖျောက်လိုက်လေသည်။ သစ္စာမရှိသော ချစ်ခြင်းအတွက် ခံစားမနေသင့်တော့ပေ။
မည်သည့်စကားလုံးမှ အဆင်သင့်ဖြစ်မနေသည့်အတွက် ဖုန်းပြောရင်း ဆွံ့အနေမိသည်။ သူလဲ စကားလုံးတွေ ရှားသွားသည်ထင့်။ ရှိုက်သံတွေ ထွက်သွားရသည့် မိမိရင်ကိုသာ အပြစ်တင်လိုက်ချင်သည်။
“ခွင့်လွှတ်ပါ ထူးအောင်ရယ်… ငါ့ခံစားချက်တွေကို အတတ်နိုင်ဆုံး ဖုံးကွယ်ထားခဲ့တာပါ။ နင် ခံစားနေရတာတွေ သိလိုက်ရလို့ ပိုဝမ်းနည်းနေမိသွားတာ။ ငါ့ရင်ထဲက သံယောဇဉ်တွေကို ငါကိုယ်တိုင် အရောင်ဆိုးမိသွားတယ်နဲ့ တူပါရဲ့ ထူးအောင်ရယ်… ဒါပေမယ့် ကြီးမားတဲ့ သံယောဇဉ်နဲ့ ဖြစ်တည်လာတဲ့ ချစ်ခြင်းသင်္ကေတ ပန်းနုရောင်လေးပါ။ နင်နဲ့ ဝေးနေရချိန်ကတည်းက သတိရနေမိတာက လွမ်းဆွတ်ခြင်းရဲ့ တပည့်တပန်းတွေ ဖြစ်မှာပေါ့။ နင့်ကို လွမ်းတဲ့အချိန် ငါ့စိတ်ကူးလေးတွေကို ဒိုင်ယာရီစာအုပ်လေးထဲမှာပဲ ရေးမှတ်ပြီး ဖြေသိမ့်ခွင့်ရှိတယ်လေ။ ဒီဒိုင်ယာရီစာအုပ်ကလေးက နင်ကိုယ်တိုင် အမှတ်တရ ပေးခဲ့တဲ့ လက်ဆောင်လေးမို့ ဒီစာအုပ်လေးထဲမှာ ရေးလိုက်တိုင်း နင့်ကို ပြောမိသလို ခံစားမိပါတယ် ထူးအောင်ရယ်… သင်္ကြန်ကုန်လို့ ခွင့်ရက်စေ့ရင် နင်ပြန်သွားတဲ့အခါ တကယ်ဝေးသွားကြရမှာ စိုးရိမ်မိတာတွေ နင်သိရဲ့လားဟယ်…။ ရွာနေတဲ့ သင်္ကြန်မိုးရယ် တိုက်နေတဲ့ လေညှင်းတို့ရယ် မိန်းကလေးတစ်ယောက်ရဲ့ ရင်ထဲက မျှော်လင့်ချက်တွေကို သူသိအောင် ပြောပြပေး ပါလားကွယ်…”
သင်္ကြန်မိုးကတော့ ဖြိုးဖြိုးဖြောက်ဖြောက် ကျနေဆဲ။
လေညှင်းတို့လဲ တိုက်ခတ်ဆဲ။
မနက်ဖန်တော့ ရွှေပိတောက်တို့ သင်းပျံ့လှိုင်တော့မည်။
ဒီမနက်ပဲ ဇတ်သိမ်းပေးပါ့မယ်ဗျာ။ အပိုင်းတွေ ရောမှာမို့ ပို့စ်တစ်ခု သတ်သတ်တင်လိုက်ရတာပါ။ ကျနော်ကိုယ်တိုင် ဇတ်သိမ်းလေး ရေးနေရင်း ခံစားနေရပါတယ်။
-
0 Comments:
Post a Comment